घण्टैपिच्छे गजल लेखी फेसबूकमा सजाइन्छ !
हेर्दै जाऊ न गजलबाटै मोहनी जो लगाइन्छ !!
साठी पुगेँ तर पनि सोह्र वर्षे जत्तिकै छु !
घर जग्गा बेचैरै’नि तरुनी पो फकाइन्छ !!
बुढेसकालमा के हो भन्दै कमेण्ट गर्ने गरी रहुन् !
जस्तै गाली आए पनि बाल मलतब पचाइन्छ !!
केटा बुढा दाजुभाइ दिदी बहिनी सबै खोज्छु !
एक पछि अर्को गर्दै साथी बाटै हटाइन्छ !!
राम्री केटी जति सबै मेरै मात्र साथी होउन् !
खोज भन्छ त्यसपछि खाना बिनै अघाइन्छ !!
२ भदौ ‘७४
चाबहिल
